WAJUMBE WA KIKAO CHA MASHIRIKIANO KATI YA SMZ NA SMT WAKAGUA MIRADI YA SEKTA YA UJENZI

 

Meneja wa Wakala wa Barabara Tanzania (TANROADS), mkoa wa Tanga, Mhandisi Alfred Ndumbaro, akitoa Taarifa ya mradi wa mizani ya Pongwe na Barabara ya Tanga – Pangani (Km 50), kwa wajumbe wa kikao cha mashirikiano kati ya Serikali ya Mapinduzi ya Zanzibar (SMZ) na Serikali ya Jamhuri ya Muungano wa Tanzania (SMT), walipokuwa wakikagua miradi hiyo, mkoani Tanga.

Kiongozi wa zamu katika Kituo cha mizani cha Pongwe, mkoani Tanga, Elias Magugudi, akielezea namna huduma za upimaji uzito wa magari zinavyofanyika katika kituo hicho wakati wajumbe wa kikao cha mashirikiano kati ya Serikali ya Mapinduzi ya Zanzibar na Serikali ya Jamhuri ya Muungano wa Tanzania, walipofika hapo kujionea utendaji wa mizani hiyo.

Muonekano wa Gari la mizigo likipima uzito katika kituo cha mizani cha Pongwe, mkoani Tanga.

Muonekano wa nyumba ya makazi ya Jaji ambayo imejengwa na Wakala wa Majengo Tanzania (TBA), mkoa wa Tanga. Wajumbe wa kikao cha mashirikiano kati ya Serikali ya Mapinduzi ya Zanzibar na Serikali ya Jamhuri ya Muungano wa Tanzania walifika hapo kujionea utekelezaji wa mradi huo.

Abiria wakiingia katika kivuko cha MV Pangani II kwa ajili ya kuvuka kuelekea upande wa Bweni, Tanga. Kivuko hicho chenye uwezo wa kubeba abiria 100 na magari Sita sawa na tani 50, kinatoa huduma ya usafirishaji kati ya Pangani na Bweni, mkoani Tanga.

PICHA NA WUU

TUANDIKIE MAONI YAKO HAPA CHINI

Je, wewe ni Mfanyabiashara na Unatamani Kutangaza Bidhaa Zako Kupitia Tovuti/Blog Yetu? Tafadhali, wasiliana nasi kupitia bandolaonline@gmail.com au WhatsaApp: + 255 766 365 560 au 0652 388 516