Kiongozi wa mbio za Mwenge wa Uhuru kitaifa Ndugu.Sahili Geraruma ameagiza halmashauri ya wilaya ya Njombe kumfikishia huduma ya maji mwananchi wa kijiji cha Ninga aliyetoa eneo lake kwa ajili ya ujenzi wa mradi huo kabla Mwenge haujaondoka katika mkoa wa Njombe.
Geraruma ametoa agizo hilo wilayani Njombe mara baada ya kukagua na kuzindua mradi huo wenye gahalama inayokadiliwa kufikia zaidi ya shilingi milioni 361 mapaka kukamilika kwake.
“Mwananchi aliyejitolea eneo lake kwa ajili ya mradi huu afikishiwe maji mpaka nyumbani kwake na utekelezaji huo ufanyike kabla Mwenge wa Uhuru haujaondoka mkoa wa Njombe,kabla sijaondoka nipate taarifa yule mwananchi ananufaika na maji nyumbani kwake kwa kutoa eneo hili”alisema Geraruma
Aidha ametoa wito kwa wananchi kuendelea kutunza vyanzo vya maji ili kutokausha vyanzo katika maeneo yao na kusaidia upatikanaji wa maji kwa wakati wote.
Mbunge wa jimbo la Lupembe bwana Edwirn Swale ameshukuru Mwenge wa uhuru kwa kuzindua mradi huo utakaosaidia wananchi wa Ninga kupata huduma ya maji.
“Kwa niaba ya wananchi wa Ninga tunaomba utufikishie salamu kwa Mh.Rais kwamba wananchi wa Ninga wamefurahi sana kwa kuapata mradi huu wa maji”alisema Swale
Kwa upande wake mkuu wa wilaya ya Njombe Kissa Kasongwa ameahidi kutekeleza agizo hilo kabla ya Mwenge wa Uhuru kuondoka mkoani humo.
Aliyetoa eneo kwa ajili ya mradi,kufikishiwa maji kabla ya Mwenge kuondoka Njombe
Mradi wa maji uliozinduliwa na kiongozi wa mbio za Mwenge.
0 Comments