RUVUMA WAMSHUKURU RAIS SAMIA KWA FEDHA ZA UJENZI WA SEKONDARI MPYA ZA KISASA

 Wananchi  mkoani Ruvuma wamemshukuru Rais Dkt.Samia Suluhu kwa

kutoa fedha ambazo zimewezesha kujengwa kwa sekondari mpya zenye

mazingira ya kuvutia katika Halmashauri zote nane.

Mkurugenzi wa Halmashauri ya Mji wa Mbinga Grace Quietine amesema

Rais ametoa shilingi milioni 470 kujenga sekondari mpya katika Kata ya

Lusonga ambayo imekamilika kwa zaidi ya asilimia 90.

Amesema kiasi hicho cha fedha kimewezesha kujenga jengo la

utawala,vyumba nane vya madarasa,maabara tatu,jengo la TEHAMA,jengo

la maktaba,vyoo matundu 20 na sehemu ya kunawia maji mikono

wanafunzi.

Amesema tayari wanafunzi wa kidato cha kwanza wamesajiriwa na kuanza

masomo ambapo hivi sasa shughuli za umaliziaji zinaendelea zikiwemo za

kuweka mfumo wa gesi na maji katika majengo ya maktaba na kwamba

Halmashauri pia imeongeza fedha za kukamilisha mradi huo ambapo hadi

sasa zaidi ya shilingi milioni 492 zimetumika.

Kwa upande wake Mkurugenzi wa Halmashauri ya wilaya ya Tunduru

Chiza Marando amesema anamshukuru Rais kwa upendeleo wa pekee

wa kuwapatia kiasi cha shilingi bilioni 1.4 kujenga sekondari mpya tatu za

mfano katika wilaya hiyo ambazo zimekamilika na kuanza kuchukua

wanafunzi wa kidato cha kwanza.

Amesema kila sekondari imepewa shilingi milioni 470 na kuzitaja sekondari

hizo kuwa zimejengwa katika kata za Nakayaya,Majimaji na Lukumbule na

kwamba kila shule imejenga jengo la utawala,madarasa

nane,vyoo,samani,maabara tatu,jengo la TEHAMA na maktaba.

“Shule zote tatu zinaendelea na hatua za ukamilishaji,lakini tumeshazisajiri

na tumeshazifungua,wanafunzi wanaendelea kusoma, tunamshukuru sana

Rais kwa kutumbuka Tunduru’’;alisema Marando.

Hata hivyo amesema kufunguliwa kwa shule hizo kumepunguza kero ya

wanafunzi kwenye kata hizo kusafiri umbali mrefu kufuata sekondari.

Rais Samia pia ametoa shilingi milioni 470 kujenga sekondari mpya katika

Kata ya Msisima Halmashauri ya Namtumbo na kwamba sekondari hiyo

imefunguliwa na wanafunzi wameanza masomo.

Halmashauri nyingine ambazo zimepata fedha za ujenzi wa sekondari

mpya ni Manispaa ya Songea katika Kata ya Mshangano zimetolewa

shilingi milioni 470 kujenga sekondari ya Luhira.

Kata nyingine ni ya Amanimakoro Halmashauri ya Mbinga,Kata ya Riwundi

wilaya ya Nyasa,Kata ya Lituta Halmashauri ya Madaba na Kata ya Kizuka

Halmashauri ya wilaya ya Songea.

Serikali imetoa jumla ya shilingi bilioni 7.7 kujenga sekondari mpya 11

katika Mkoa wa Ruvuma kupitia program ya kuboresha Elimu ya sekondari

nchini (SEQIUP).Jengo la Utawala na vyumba vya madarasa katika sekondari mpya Kata ya Nakayaya wilayani Tunduru mkoani Ruvuma ambayo serikali imetoa shilingi milioni 470 kutekeleza mradi huo

 Jengo la Utawala na vyumba vya madarasa katika sekondari mpya Kata ya Nakayaya wilayani Tunduru mkoani Ruvuma ambayo serikali imetoa shilingi milioni 470 kutekeleza mradi huo

Jengo la utawala na vyumba vya madarasa katika sekondari mpya kata ya Lusonga Halmashauri ya Mji wa Mbinga ambapo serikali imetoa shilingi milioni 470 kutekeleza mradi huo

Baadhi ya wanafunzi katika sekondari ya Msisisma wilayani Namtumbo wakiwa wameanza 

Bbaadhi ya vyumba vya madarasa katika sekondari mpya Kata ya Msisima Halmashauri ya wilaya ya Namtumbo ambapo serikali imetoa shilingi milioni 470 kujenga sekondari hiyo

Jengo la Utawala katika sekondari mpya kata ya Kizuka Halmashauri ya WIlaya ya Songea ambayo serikali imetoa shilingi milioni 470 kujenga shule hiyo

Jengo la Utawala katika sekondari mpya ya Luhira kata ya Mshangano Manispaa ya Songea. 

TUANDIKIE MAONI YAKO HAPA CHINI

Je, wewe ni Mfanyabiashara na Unatamani Kutangaza Bidhaa Zako Kupitia Tovuti/Blog Yetu? Tafadhali, wasiliana nasi kupitia bandolaonline@gmail.com au WhatsaApp: + 255 766 365 560 au 0652 388 516