Zoezi hilo linaloendeshwa na Mamlaka ya Usimamizi wa Wanyamapori Tanzania (TAWA), kwa kushirikiana na Taasisi ya Utafiti wa Wanyamapori Tanzania (TAWIRI), kwa kushirikiana na viongozi wa Wilaya na vijiji lilianza kutekelezwa Februari 10, 2023.
Lengo ni kusaidia kupata taarifa za wakati kuhusu mienendo na mahali yalipo makundi ya tembo na hivyo kurahisisha ufuatiliaji na kuzuia wanyamapori hao wasilete madhara kwa watu, makazi na mashamba yao.
Katika zoezi hilo jumla ya visukuma mawimbi vitano vilitarajiwa kufungwa kwenye makundi ya tembo, ambapo hadi kufikia Februari 12, 2023 jumla ya visukuma mawimbi vitatu vilifungwa kwenye makundi matatu ya tembo katika maeneo ya Milola/Mitamba (Wilaya ya Lindi vijijini), Mkutano (Liwale) na Ngolanga ambayo ni shoroba ya Selous - Niassa (Tunduru).
Visukuma mawimbi viwili vilivyobaki vinatarajiwa kufungwa katika maeneo ya Wilaya hiyo yenye changamoto kubwa zaidi.
Vilevile, Taasisi ya Utafiti wa Wanyamapori (Tawiri) na Mamlaka ya Usimamizi wa Wanyapori Tanzania (Tawa) zitaendelea kufunga visukuma mawimbi kwenye makundi mengine ya tembo ili kuwezesha vikosi vya askari wanaofanya doria za kudhibiti wanyamapori wakali na waharibifu kufika kwa haraka katika maeneo ya karibu na vijiji tembo hao watakapoonekana.
Aidha, Mkuu wa Wilaya ya Nachingwea ameipongeza Serikali kupitia taasisi zake za Tawiri na Tawa kwa hatua mbalimbali zinazochukuliwa ikiwa ni pamoja na kuongeza matumizi ya teknolojia katika kudhibiti wanyamapori wakali na waharibifu.
Pia, amebainisha kuwa uongozi wa wilaya uko tayari kuendelea kushirikiana na wataalamu wa uhifadhi katika kutatua changamoto hii.
Chanzo Na Mwananch
0 Comments