TAASISI ya Agri Thamani na Shirika la Chakula Duniani (FAO) wameandaa forum ya vijana ili kuweka mikakati na kujadili changamoto za kisera kwenye Mifumo ya Chakula na Kilimo Tanzania.
Hii inaenda sambamba na uzinduzi wa WFF chapter ya Tanzania ambayo itaenda kuchochea mabadiliko ya Sera na mifumo, WFF chapter ya Tanzania itaendeshwa na Agri Thamani.
Akizungumza katika hafla hiyo ambayo imefanyika hivi karibuni Jijini Dar es Salaam, Mkurugenzi Mtendaji wa Taasisi ya Agri Thamani Mhe. Neema Lugangira amesema vijana wamekuwa wakilalamika hawapati fursa ya kukutana na viongozi hivyo Agri Thamani wamewakutanisha wabunge toka nchi mbalimbali ambapo vijana wanatakiwa kutumia fursa hiyo kuuliza maswali na kujifunza.
Kwa upande wa vijana walioshiriki hafla hiyo wamesema kwa upande wa vijana wakulima wanapata changamoto kubwa ya ardhi, rasilimali fedha ambapo zingeweza kuwasaidia kuwasogeza katika hatua nzuri kimaendeleo.
"Rasilima Fedha kwetu ni changamoto kubwa sana, tunapohitaji mikopo marejesho yanaanza mapema sana, tunahitaji muda zaidi kabla ya rejesho". Amesema mmoja wa vijana walioshiriki hafla hiyo.
Kwa upande wa mmoja wa wabunge kutoka nchini Malawi amewaomba vijana wasiogope kushiriki katika kilimo na zaidi wafanye tafiti na wajenge urafiki na wazee waliofanikiwa katika kilimo ili wawape muongozo.
"Kwa sasa dunia ni kama kijiji ni vyema mkaangalia yanayofanya vizuri kwenye nchi zingine na kuyachukua hapa. Africa inaweza kulisha Africa na Dunia Kwa ujumla". Amesema
.jpeg)
.jpeg)
