Ni jamii ambayo kwa muda mrefu imekuwa ikiishi kwa kutegemea uwindaji na matunda ya porini – jamii ya watu wapole, lakini wenye hekima ya kipekee kuhusu maisha, ardhi na urafiki.
Kwao, miaka ya karibuni imekuwa tofauti. Wanasema, “Tumeguswa.”
Na wana sababu ya kusema hivyo.
Serikali ya Awamu ya Sita chini ya Rais Dkt. Samia Suluhu Hassan imeandika ukurasa mpya wa matumaini kwao. Kupitia uongozi wa Mbunge wa Iramba Mashariki(Mkalama) Mhe. Jesca Kishoa, serikali imewafikia Wahadzabe kwa vitendo – kwa miradi ya maji, elimu, afya na huduma za kijamii ambazo zamani waliziota tu kama ndoto.
Katika uchaguzi uliofanyika mwaka huu, Wahadzabe hawakuona ubaguzi, wala hawakusikia sauti ya kutengwa. Waliiona serikali ikiheshimu utu wa kila mtu, bila kujali makabila, mila au maisha ya porini. Waliiona Tanzania ya haki ikitembea katika maeneo yao.
“Kwa mara ya kwanza tumehisi tunathaminiwa kama Watanzania wengine. Serikali imetuona, mama Samia ametusikia, na Jesca Kishoa amekuwa dada yetu wa karibu,” alisema mmoja wa wazee wa jamii hiyo huku macho yakimng’aa kwa furaha.
Makala hii inaakisi nguvu ya uongozi wa upendo. Dkt. Samia ameandika historia kama Rais anayesikiliza kila kona ya nchi – kutoka mijini hadi porini. Na Jesca Kishoa ameibeba roho ya uwakilishi wa kweli, akigeuza ahadi kuwa matendo, na maneno kuwa faraja.
Kwa Wahadzabe, hawa si viongozi tu — ni sauti ya matumaini.
Ni mfano wa uongozi unaojenga daraja kati ya dunia ya kale na dunia ya sasa, kati ya jamii iliyosahaulika na taifa linaloendelea.
Kama alivyonena kijana mmoja wa jamii hiyo:
“Tunaona nuru ya Tanzania mpya. Asante mama Samia, asante Jesca Kishoa – mmetuandika kwenye historia.”
Habari hii Inaendelea,Bandolamedia kwajili yako(SAUTI YA WASIO SIKIKA)
0 Comments