Kihongosi Aendelea Kung’ara Singida, Apongeza Uongozi Madhubuti wa CCM Mkoa Chini ya Martha Mlata

Na Bandola Media – Singida

Katibu wa NEC, Itikadi, Uenezi na Mafunzo wa Chama Cha Mapinduzi (CCM), Kenani Laban Kihongosi, ameendelea kuthibitisha dhamira ya chama ya kusimama karibu na wananchi, baada ya kupokelewa kwa shangwe wilayani Ilamba mkoani Singida  (Misigili) katika muendelezo wa ziara yake ya kikazi.

Akiwasili katika eneo hilo, Kihongosi alipokelewa na viongozi wa chama na serikali wakiongozwa na Mwenyekiti wa CCM Mkoa wa Singida, Martha Mlata, pamoja na makada, wanachama na wananchi waliojitokeza kwa wingi kuonesha mshikamano, imani na mapenzi yao kwa chama na uongozi wake.

Akizungumza na wananchi, Kihongosi aliusifu uongozi wa CCM Mkoa wa Singida kwa kufanya kazi kwa karibu na wananchi, kusimamia nidhamu ya chama na kuhakikisha miradi ya maendeleo inatekelezwa kwa tija na uwazi.

CCM Singida imejipanga vizuri kuanzia ngazi ya mkoa hadi matawini. Huu ni ushahidi wa uongozi imara, unaojali wanachama na unaosimamia kwa vitendo ilani ya chama, alisema Kihongosi.

Katika nukuu nyingine, Kihongosi alimpongeza Mwenyekiti wa CCM Mkoa wa Singida, Martha Mlata, kwa kuimarisha umoja na mshikamano ndani ya chama, akieleza kuwa hatua hiyo imeendelea kukipa CCM nguvu na kukubalika kwa wananchi.

“Ndugu Martha Mlata ni kiongozi mwenye maono, msikivu na mchapa kazi. Amefanikiwa kujenga mshikamano mkubwa ndani ya chama, jambo linaloifanya CCM Singida iendelee kuwa imara na yenye mvuto kwa wananchi,” alisisitiza.

                           

Kwa upande wake, Mwenyekiti wa CCM Mkoa wa Singida, Martha Mlata, alimpongeza Kihongosi kwa uongozi wake thabiti na ziara yenye tija, akieleza kuwa ujio wake umeongeza ari mpya kwa wanachama na viongozi wa chama mkoani humo.

Ujio wa Katibu wa NEC umetupa nguvu kubwa. Ametuonesha kwa vitendo kuwa uongozi wa juu wa chama upo karibu nasi na upo tayari kutatua changamoto zetu,” alisema Mlata.

Naye mmoja wa viongozi wa wilaya hiyo alisema ziara ya Kihongosi imekuwa chachu ya kuimarisha nidhamu, mshikamano na uwajibikaji miongoni mwa viongozi wa chama.

Ziara hii imetufungua macho na kutupa mwelekeo mpya wa namna ya kuwatumikia wananchi kwa uadilifu na kujali maslahi yao.

                                 

Ziara ya Kihongosi inalenga kukagua uhai wa chama katika ngazi za msingi, kuhimiza mshikamano, kusimamia utekelezaji wa miradi ya maendeleo pamoja na kuimarisha utekelezaji wa Ilani ya CCM, sambamba na sera za Serikali ya Awamu ya Sita chini ya uongozi wa Rais Dkt. Samia Suluhu Hassan.

Wananchi wa Ilamba Misigili wameeleza kuridhishwa na ziara hiyo, wakisema ni kielelezo cha uongozi unaosikiliza wananchi, unaochukua hatua na unaojenga matumaini mapya ya maendeleo.

                               

Ziara ya Katibu wa NEC, Itikadi, Uenezi na Mafunzo inaendelea katika wilaya mbalimbali za Mkoa wa Singida, huku chama kikiendelea kujiimarisha na kujipanga kwa ushindi na maendeleo endelevu kwa ustawi wa jamii na taifa kwa ujumla.

TUANDIKIE MAONI YAKO HAPA CHINI

Je, wewe ni Mfanyabiashara na Unatamani Kutangaza Bidhaa Zako Kupitia Tovuti/Blog Yetu? Tafadhali, wasiliana nasi kupitia bandolaonline@gmail.com au WhatsaApp: + 255 766 365 560