MBUNGE YANGI KIARATU ATIMIZA AHADI YA KAMPENI, ATOA LUNINGA NA KING’AMUZI KWA KIJIWE CHA KAHAWA SINGIDA MJINI

Mbunge wa Jimbo la Singida Mjini, Mheshimiwa Yangi Kiaratu  ametimiza ahadi yake aliyoitoa kwa wananchi wakati wa kampeni za uchaguzi kwa kukabidhi luninga (TV) ya nchi 55 pamoja na king’amuzi cha Azam, katika kijiwe cha kahawa kilichopo jirani na Jengo la Utamaduni, Manispaa ya Singida.

Akizungumza wakati wa kukabidhi msaada huo, Mbunge  Yangi amesema lengo la utoaji wa luninga hiyo ni kuendeleza mshikamano, burudani na kuwapa viongizi na wananchi kuwa na  sehemu salama ya kukutana, hasa wale wanaoshiriki michezo mbalimbali kama bao, drafti na michezo mingine ya kijamii inayochezwa katika eneo hilo.

Aidha, Mbunge huyo amesema hatua hiyo ni sehemu ya kuthamini mchango mkubwa wa wananchi wa Singida Mjini waliompa ushirikiano mkubwa wakati wa uchaguzi uliopita, kwa kujitokeza kwa wingi kupiga kura, kudumisha amani na utulivu katika kipindi chote cha uchaguzi.

“Nimeona ni vyema kutimiza ahadi niliyotoa kwa wananchi wangu. Ushirikiano wenu, amani na utulivu mlioonyesha wakati wa uchaguzi ni jambo la kujivunia, na hii ni ishara ya shukrani yangu kwenu,” amesema Mbunge Yagi  Yangi.

Mbali na kukabidhi luninga na king’amuzi, Mbunge Yangi Kiaratu  amelipia kifulushi cha Azam kwa kipindi cha miezi miwili, hatua itakayowawezesha wananchi kufuatilia michezo, habari na vipindi mbalimbali vya kielimu na burudani.

Wananchi waliopokea msaada huo wamepongeza hatua ya Mbunge wao, wakisema ni kielelezo cha uongozi wa karibu, unaojali na unaotekeleza ahadi, huku wakiahidi kuendelea kudumisha amani, mshikamano na kumuunga mkono katika juhudi zake za kuleta maendeleo  Singida Mjini.

Na hapa Mbunge aliwakabithi vingozi wa bodoboda na bajaji wa Singida pesa kwajili ya kulipia pango la ofisi zao ilikuendelea kufanya kazi zao za usafilishaji kwa utulivu.

Na nihizi ni  picha mbali mbali katika Tukio Hilo

Na Abdul Bandola Singida.

TUANDIKIE MAONI YAKO HAPA CHINI

Je, wewe ni Mfanyabiashara na Unatamani Kutangaza Bidhaa Zako Kupitia Tovuti/Blog Yetu? Tafadhali, wasiliana nasi kupitia bandolaonline@gmail.com au WhatsaApp: + 255 766 365 560