KUAMINI NI KUONA: MLATA AENDELEA KUITIKISA SINGIDA KWA UONGOZI IMARA NA SIASA ZA MAENDELEO

                                    

Mwenyekiti wa Chama Cha Mapinduzi Mkoa wa Singida, Martha Mosses Mlata, ameendelea kuthibitisha uwezo wake mkubwa wa kiuongozi na kisiasa baada ya kuendelea kupokelewa kwa hamasa kubwa katika ziara yake ya kuimarisha Chama na Jumuiya zake ndani ya Mkoa wa Singida.

Akiwa katika muendelezo wa ziara hiyo Wilayani Singida DC, Mlata amesema viongozi pamoja na wananchi wanapaswa kutumia nafasi walizonazo kwa kulinda na kuthamini masilahi mapana ya jamii na taifa kwa ujumla, huku akisisitiza mshikamano, uwajibikaji na uzalendo kuwa msingi wa maendeleo endelevu.

“Kuamini ni kuona. Tunapaswa kutumia nafasi zetu kwa kulinda na kuthamini masilahi mapana ya jamii na taifa kwa ujumla,” amesema Mlata mbele ya viongozi na wananchi waliojitokeza kwa wingi katika ziara hiyo.

Ziara ya Mwenyekiti wa CCM Mkoa wa Singida imeendelea kuacha alama kubwa kisiasa baada ya kuamsha ari mpya kwa wanachama wa Chama pamoja na Jumuiya zake katika Wilaya za Manyoni, Ikungi, Iramba, Mkalama hadi Singida DC na tarehe 20 atakuwa Singida Manispaa akiwa katika muendelezo wa ziara hiyo.

Katika kila eneo alilofika, Mlata ameendelea kusisitiza umuhimu wa umoja, uadilifu, uwajibikaji na ushirikiano kati ya Chama na Serikali kwa lengo la kuhakikisha wananchi wanaendelea kunufaika na matokeo ya maendeleo yanayoletwa na Serikali ya CCM.

Wachambuzi wa siasa mkoani Singida wanaeleza kuwa ziara hiyo imeongeza nguvu mpya ndani ya Chama huku ikionesha namna ambavyo CCM Mkoa wa Singida chini ya uongozi wa Mlata imeendelea kuwa imara, yenye ushawishi mkubwa na karibu zaidi na wananchi.

Ziara hiyo sasa inatarajiwa kuendelea katika Manispaa ya Singida ambapo mamia ya wananchi na wanachama wa CCM wanaendelea kujiandaa kumpokea kiongozi huyo ambaye ameendelea kujijengea heshima kubwa kupitia siasa za maendeleo, mshikamano na uongozi wa vitendo.

Na Abdul Ramadhani Singida Tanzania

TUANDIKIE MAONI YAKO HAPA CHINI

Je, wewe ni Mfanyabiashara na Unatamani Kutangaza Bidhaa Zako Kupitia Tovuti/Blog Yetu? Tafadhali, wasiliana nasi kupitia bandolaonline@gmail.com au WhatsaApp: + 255 766 365 560